MELDING OM IGANGSETTING AV REGULERINGSARBEID– «HANSVIKA NÆRINGSOMRÅDE», HERØY KOMMUNE.

i samsvar med plan- og bygningslovens §12-8 varslar Prodeco AS oppstart  av detaljregulerings for «HANSVIKA NÆRINGSOMRÅDE», planID 202402, Herøy kommune

Planområdet ligger nordaust for Moltustranda, og består i hovudsak av eigedom gnr. 60 bnr. 34, samt delar av 60/3, 60/28, 60/84 og 60/372. Eksisterande bygningar, eldre anlegg og ubygde areal innanfor Pelagia sitt næringsområde inngår i planområdet, som òg omfattar sjøareal. Totalt areal er om lag 158,7 dekar. Avgrensing er vist i kartutsnittet.

Planavgrensning

Føremålet med reguleringsplanen er å leggje til rette for vidare utvikling av eksisterande næringsområde, som i dag vert nytta til produksjon og lagring knytt til fiskerinæringa. Planen vil mellom anna omfatte industribygg og lagerbygg, etablering av molo og kaier, utdjuping i sjø, samt tilrettelegging for lagring av fiskeensilasje. Det skal òg regulerast for betre tilkomst og utbetring av krysset mot hovudvegen. Planarbeidet er i hovudsak i samsvar med gjeldande kommuneplan.

Det er viktig at reguleringsplanen gir ein god balanse mellom næringsutvikling, omtanke til naboar og miljø, samt tilpassing til landskap og stadleg karakter.

I gjeldande kommuneplan er området avsett til næring- og hamneformål, og det er krav om detaljreguleringsplan før tiltak etter plan- og bygningslova § 20-1 kan gjennomførast.

I oppstartsmøte med Herøy kommune 15.02.24, blei det vurdert at planen fell under forskrift om konsekvensutgreiing. I samsvar med §8a) i forskrifta skal planen konsekvensutgreiast, men ikkje ha planprogram eller melding.

Planinitiativ, kart som viser plangrensene, møtereferat og vedtak frå «Utval for samfunnsutvikling» i Herøy kommune ligg vedlagt og tilgjengeleg.

Innspel, merknadar, opplysningar og anna som kan vere av interesse eller betydning for planarbeidet kan sendast skriftleg til plankonsulent, tine@prodeco.no, innan 20. juli 2025. Kopi kan sendast til posttmottak@heroy.kommune.no